好多人估美國會聽日加息, 會引發環球資金班師回美, 令到美元會進一步升值. 投資O既野好多時都係未來O既事discount到今日發生, 除非突發事件, 好少話去到發生O個日先出現影響.
加息無錯係會令到存款利息略為增加, 令到資金流入, 但這只是事實O既其中一面; 加息同樣會令投資者考慮減少新造借貸, 即係整體貸款規模下跌 (還完錢唔再借或借少O的), 唔好睇少呢種貸款規模下跌O既影響, 因為"吹"出來O既泡沬無增加甚至縮細, 資產價格係可以跌得好快, 因為人人都比銀行或財仔 call 緊 loan (e.g. mortgage, stock/saving backed loan). 再復雜D, 世界上有咁多低息甚至負息貨幣可以借 (歐/日元), 美金借貸成本上升仲會唔會吸引到人走去借美元炒上炒落甚至投資?
就好似chemical bonding, attraction & repulsion 係同時存在, 只係睇下邊種力大D就決定電子電核分子之間個距離; 加息個情況都有D似, 一體兩/多面.
最近O既垃圾債爆煲, 投資者提早沽水走人, 即係資金流出緊呢個市. 會唔會引發骨牌效應令到其他美元資產出現資金流走? 世上咁多野都咁復雜, 有邊個真係可以斷定加息係會令資金流入美元/美國, 定係資金流走呢?
Technically, 美金個一百幾廿年O既趨勢係跌 (貶值), 間唔中會升番一年半載. 用美元兌黃金O個口價就一清二楚鳥;
1971年之前, 35蚊美金可以換到 1 OZ 黃金; 2015年今時今日要 1061美金. 即係黃金升左差唔多30倍, 又或者可以話45年來美金跌到得番3.29%
More recently, monthly/weekly圖會容易睇到雙頂加MACD背馳, 都係需要留意係咪已經見頂.
沒有留言:
張貼留言